किसान हुँ खेती गर्छु हातका नङ्रा खियाएर by Ashish Danai

किसान हुँ खेती गर्छु हातका नङ्रा खियाएर
काम गर्छु पेट पाल्छु बसेकैछु रमाएर

खेतबारीनै घर मेरो किसानी नै मेरो धर्म
खन्छु, जोत्छु, उब्जाउँछु आफ्नो धर्म निभाएर

यै माटोमा जन्मिएँ म यै माटोमै बिलिन हुन्छु
दु:ख गर्छु यही माटोमा जिउ ज्यान लगाएर

दिन भरी खेतबारीमै बित्छ मेरो जिन्दगानी
रात पर्छ घर जान्छु थकाई मार्छु निदाएर

मुल्य बुझ्छु परिश्रमको रगत र पसिनाको
त्यसैले त गर्भ लाग्छ हास्छु आँसु लुकाएर